Discover how your child can flourish at Brighton College Bangkok Vibhavadi, where curiosity is encouraged, confidence is nurtured and kindness is at the heart of school life. Join our Open House and discover the Brighton approach to an outstanding British education.
Brighton College Bangkok Vibhavadi မှ ကြိုဆိုပါသည်။ မိမိတို့၏ သားသမီးများအတွက် အကောင်းဆုံး ပညာရေးကို ရှာဖွေနေသော မိသားစုများအတွက် ထူးချွန်သော နိုင်ငံတကာကျောင်းတစ်ကျောင်းဖြစ်ပါသည်။ ကျွန်ုပ်တို့သည် ဘန်ကောက်မြို့ Vibhavadi Rangsit Road ပေါ်ရှိ အထူးဒီဇိုင်းရေးဆွဲတည်ဆောက်ထားသော ကျောင်းဝင်းအတွင်း အသက် ၂ နှစ်မှ ၁၈ နှစ်အထိ ကျောင်းသား၊ ကျောင်းသူများအား အရည်အသွေးမြင့် ဗြိတိသျှပညာရေးကို ပံ့ပိုးပေးလျက်ရှိပါသည်။
Brighton College UK နှင့် နီးကပ်စွာ ပူးပေါင်းဆောင်ရွက်လျက်ရှိပြီး၊ အဆိုပါကျောင်းသည် “Independent School of the Decade” အဖြစ် အသိအမှတ်ပြုခံထားရသော ဂုဏ်သိက္ခာမြင့် ပညာရေးအဖွဲ့အစည်းတစ်ခု ဖြစ်ပါသည်။ ပညာရေးထူးချွန်မှုနှင့် ကျောင်းသားများ၏ ကျန်းမာပျော်ရွှင်မှု (Wellbeing) ကို အလေးထားသော ကျွန်ုပ်တို့၏ ကတိကဝတ်ကြောင့် Brighton College Bangkok Vibhavadi သည် ထိုင်းနိုင်ငံ၏ ဦးဆောင်ဗြိတိသျှနိုင်ငံတကာကျောင်းများထဲမှ တစ်ကျောင်းအဖြစ် လျင်မြန်စွာ ရပ်တည်လာနိုင်ခဲ့ပါသည်။
Brighton College Vibhavadi တွင် ကျွန်ုပ်တို့၏ ရည်မှန်းချက်မှာ ကျောင်းသားများ၏ ကျန်းမာပျော်ရွှင်မှုကို အရာအားလုံး၏ အဓိကအချက်အချာအဖြစ် ထားရှိပြီး ဘဝတစ်လျှောက်လုံး သင်ယူလိုစိတ်ကို ပျိုးထောင်ပေးသည့် ကျောင်းတစ်ကျောင်းကို ဖန်တီးရန် ဖြစ်ပါသည်။
ကျွန်ုပ်တို့သည် ကြင်နာတတ်သော၊ စာနာနားလည်မှုရှိသော၊ မိမိပတ်ဝန်းကျင်နှင့် ကမ္ဘာကြီးအပေါ် နားလည်သဘောပေါက်မှုရှိသော ကျောင်းသားများကို မွေးထုတ်လိုပါသည်။ ကျောင်းသားများအား ယုံကြည်မှုရှိပြီး စိတ်ဓာတ်ကြံ့ခိုင်ကာ ရရှိသည့်အခွင့်အလမ်းများကို တန်ဖိုးထား၍ လူမှုအသိုင်းအဝိုင်းအတွက် အပြုသဘောဆောင်သော အကျိုးပြုမှုများ ပြုလုပ်နိုင်သူများအဖြစ် ကြီးပြင်းလာစေရန် ရည်ရွယ်ပါသည်။
ကျွန်ုပ်တို့၏ ဆရာ၊ ဆရာမများသည် သိလိုစိတ်ကို လှုံ့ဆော်ပေးကာ စူးစမ်းလေ့လာလိုစိတ်ကို မြှင့်တင်ပေးပြီး ကမ္ဘာကြီးအပေါ် ပိုမိုနက်ရှိုင်းစွာ နားလည်နိုင်ရန် ကူညီပေးကြပါသည်။ ကျွန်ုပ်တို့သည် အသိပညာရှာဖွေလိုစိတ်၊ ယုံကြည်မှုနှင့် ကြင်နာမှုတို့ကို အခြေခံအုတ်မြစ်အဖြစ် တည်ဆောက်ပေးနိုင်ခြင်းအတွက် ဂုဏ်ယူမိပြီး ကျောင်းသားတိုင်းအား အောင်မြင်စွာနှင့် စိတ်အားထက်သန်စွာဖြင့် နောက်ထပ်ပညာရေးအဆင့်သို့ တက်လှမ်းနိုင်စေရန် ကူညီပေးလျက်ရှိပါသည်။
ကျွန်ုပ်တို့၏ ဆရာ၊ ဆရာမများအားလုံးသည် ဗြိတိန်နိုင်ငံတွင် ပညာရေးလေ့ကျင့်မှုရရှိထားသော အရည်အချင်းပြည့်ဝသည့် ပညာရှင်များဖြစ်ကြပြီး အကောင်းဆုံး ပညာရေးလမ်းညွှန်မှုများနှင့် ကျောင်းသားများ၏ လူမှုရေးနှင့် စိတ်ပိုင်းဆိုင်ရာ ဖွံ့ဖြိုးတိုးတက်မှုကို အနီးကပ် ပံ့ပိုးပေးလျက်ရှိပါသည်။
ဆရာ၊ ဆရာမများသည် ကျောင်းသားတစ်ဦးချင်းစီ၏ လိုအပ်ချက်များကို ဂရုစိုက်ပေးကာ နွေးထွေးပြီး အားပေးကူညီမှုများရှိသော ပတ်ဝန်းကျင်အတွင်း ၎င်းတို့၏ စွမ်းရည်အပြည့်အဝကို ဖော်ထုတ်နိုင်စေရန် ကူညီပေးပါသည်။
Pre-Nursery မှ IGCSE အဆင့်နှင့် Sixth Form ရှိ A Level အထိ Brighton College Vibhavadi သည် ကျောင်းသားများ၏ စိတ်ဝင်စားမှုများကို ရှာဖွေဖော်ထုတ်နိုင်ရန်၊ ၎င်းတို့၏ အရည်အချင်းများကို ဖွံ့ဖြိုးတိုးတက်စေရန်နှင့် ကမ္ဘာ့ထိပ်တန်း တက္ကသိုလ်များသို့ ဝင်ရောက်နိုင်ရန် ပြင်ဆင်ပေးသည့် သင်ယူမှုပတ်ဝန်းကျင်ကို ပေးစွမ်းလျက်ရှိပါသည်။
ကျွန်ုပ်တို့၏ ကျောင်းဝင်းကို နေရာအသုံးချမှု၊ သဘာဝအလင်းရောင်နှင့် ခေတ်မီအဆောက်အအုံများကို အကျိုးရှိစွာ အသုံးပြု၍ သင်ကြားရေးနှင့် သင်ယူရေးကို လှုံ့ဆော်ပေးနိုင်ရန် အထူးဒီဇိုင်းဆွဲ တည်ဆောက်ထားပါသည်။
Vibhavadi Rangsit Road ပေါ်တွင် တည်ရှိပြီး အဓိက အများပြည်သူသယ်ယူပို့ဆောင်ရေးစနစ် ၃ ခုနှင့် လွယ်ကူစွာ ချိတ်ဆက်နိုင်ပါသည်။
- BTS Mo Chit Station (Green Line)
- MRT Chatuchak Park Station (Blue Line)
- Wat Samian Nari Station (Dark Red Line)
ထို့အပြင် Don Mueang International Airport မှ ၁၅ မိနစ်ခန့်သာ ကားမောင်းရပြီး ဘန်ကောက်မြို့လယ်မှ မိနစ် ၂၀ ခန့်သာ ဝေးကွာပါသည်။
သင်ယူမှုပတ်ဝန်းကျင်၏ အစိတ်အပိုင်းတိုင်းကို ကျောင်းသားများ၏ ဖွံ့ဖြိုးတိုးတက်မှုကို အထောက်အကူပြုနိုင်ရန်နှင့် ပညာရေးခရီးစဉ်တစ်လျှောက် တစ်ဦးချင်း ပံ့ပိုးမှုများ ပေးနိုင်ရန် စနစ်တကျ စီစဉ်ထားပါသည်။
ခေတ်မီ သင်ယူမှုနေရာများတွင် နောက်ဆုံးပေါ် ဒစ်ဂျစ်တယ်နည်းပညာများနှင့် ရိုးရာသင်ကြားရေး အရင်းအမြစ်များကို ပေါင်းစပ်ထားပြီး စိတ်ဝင်စားဖွယ်ကောင်းသော စာသင်ခန်းပတ်ဝန်းကျင်များကို ဖန်တီးပေးထားပါသည်။
ထို့အပြင် ကျောင်းတွင် အိမ်တွင်းနှင့် ပြင်ပအားကစားဆိုင်ရာ အဆောက်အအုံများ အပြည့်အစုံရှိပြီး ထူးခြားသော ခေါင်မိုးပေါ်ရေကူးကန်နှင့် လူ ၄၀၀ ဆံ့ ပြဇာတ်ရုံတို့ ပါဝင်ကာ ကျောင်းသားများ၏ အားကစား၊ ဖျော်ဖြေရေးအနုပညာနှင့် အခြားစွမ်းရည်များ ဖွံ့ဖြိုးတိုးတက်ရန် အခွင့်အလမ်းကောင်းများ ပေးစွမ်းပါသည်။
曼谷维巴瓦迪布莱顿学院
998 Vibhavadi Rangsit Road, Ladyao
Chatuchak, Bangkok 10900, Thailand
ဖုန်း : +66 (2) 513 0270
မိုဘိုင်း : +66 (84) 676 0616
အီးမေးလ် : admission@brightoncollegevibha.ac.th
Early Years အဆင့်တွင် အောက်ပါအတန်းများ ပါဝင်ပါသည်။
- Pre-Nursery
- Nursery
- Reception
အသက် ၂ နှစ်မှ ၅ နှစ်အရွယ် ကလေးများကို လက်ခံသင်ကြားပေးပါသည်။
ဤအသက်အရွယ်တွင် ကလေးများသည် ကစားခြင်းမှတစ်ဆင့် အကောင်းဆုံး သင်ယူနိုင်ကြပါသည်။ ကျွန်ုပ်တို့၏ စာသင်ခန်းများနှင့် ပြင်ပသင်ယူရေးနေရာများကို ကလေးများ လွတ်လပ်စွာ စူးစမ်းလေ့လာပြီး အသစ်အဆန်းများကို ရှာဖွေတွေ့ရှိနိုင်စေရန် ဂရုတစိုက် ဒီဇိုင်းရေးဆွဲထားပါသည်။ လှုပ်ရှားမှုမျိုးစုံနှင့် သင်ယူနိုင်သည့် နေရာများမှတစ်ဆင့် ကလေးတစ်ဦးချင်းစီ၏ ကိုယ်ပိုင်ဖွံ့ဖြိုးတိုးတက်မှုကိုလည်း ပံ့ပိုးပေးပါသည်။
ကျောင်းသားများသည် Read Write Inc. အစီအစဉ်မှတစ်ဆင့် အခြေခံစာဖတ်ခြင်း၊ စာရေးခြင်းနှင့် သင်္ချာစွမ်းရည်များကို စတင်ဖွံ့ဖြိုးစေပြီး အနာဂတ်သင်ယူမှုအတွက် ခိုင်မာသောအခြေခံကို တည်ဆောက်ကြပါသည်။
Year 1 မှ Year 2 အထိ ကျောင်းသားများသည် Early Years တွင် တည်ဆောက်ခဲ့သော အခြေခံများကို ဆက်လက်ဖွံ့ဖြိုးစေပြီး Phonics၊ စာလုံးပေါင်း၊ သဒ္ဒါနှင့် ပုဒ်ဖြတ်ပုဒ်ရပ်များကို မှန်ကန်စွာ အသုံးပြုနိုင်သည့် စွမ်းရည်များကို ပိုမိုတိုးတက်စေပါသည်။
စာဖတ်ခြင်းနှင့် စာရေးခြင်းကို ဘာသာရပ်အမျိုးမျိုးနှင့် ဆက်စပ်ထားသော အကြောင်းအရာအခြေပြု သင်ယူမှုနည်းလမ်းဖြင့် သင်ကြားပေးပြီး သင်ယူမှုကို ပိုမိုအဓိပ္ပာယ်ရှိကာ ပျော်ရွှင်စိတ်ဝင်စားဖွယ် ဖြစ်စေပါသည်။
သင်္ချာသင်ရိုးတွင် လက်တွေ့ဘဝ၌ အသုံးချနိုင်မှုနှင့် ပြဿနာဖြေရှင်းနိုင်စွမ်း ဖွံ့ဖြိုးတိုးတက်ရေးကို ပေါင်းစပ်သင်ကြားပေးပြီး ကျောင်းသားများအား မတူညီသော ဘာသာရပ်များအကြား ဆက်နွှယ်မှုများကို နားလည်သဘောပေါက်စေရန် ကူညီပေးပါသည်။
သိပ္ပံသင်ခန်းစာများတွင် ကျောင်းသားများအား မေးခွန်းများမေးမြန်းခြင်း၊ စူးစမ်းလေ့လာခြင်းနှင့် ကိုယ်တိုင်လက်တွေ့စမ်းသပ်ခြင်းများ ပြုလုပ်ရန် အားပေးပါသည်။ ထိုသို့ဖြင့် ၎င်းတို့၏ မွေးရာပါ စူးစမ်းလိုစိတ်ကို ဖော်ထုတ်ပေးပြီး ရှာဖွေလေ့လာလိုစိတ်ကိုလည်း ဖွံ့ဖြိုးစေပါသည်။
သင်ရိုးညွှန်းတမ်းကို အကြောင်းအရာအလိုက် သင်ယူသည့် အထူးနေ့များနှင့် ပညာရေးဆိုင်ရာ လှုပ်ရှားမှုမျိုးစုံဖြင့်လည်း ပိုမိုပြည့်စုံစေပါသည်။ ယင်းတို့တွင် Year 2 ကျောင်းသားများအတွက် ညအိပ်တည်းခိုသည့် အတွေ့အကြုံဆိုင်ရာ လှုပ်ရှားမှုလည်း ပါဝင်ပြီး ကျောင်းသားများ၏ မိမိကိုယ်ကို ယုံကြည်မှု၊ လွတ်လပ်စွာ ရပ်တည်နိုင်မှုနှင့် အခြေအနေအသစ်များနှင့် လိုက်လျောညီထွေဖြစ်နိုင်စွမ်းတို့ကို ဖွံ့ဖြိုးစေပါသည်။
Year 3 မှ Year 6 အထိ သင်ရိုးညွှန်းတမ်းသည် ကျောင်းသားများ၏ စိတ်ဝင်စားမှုများကို စာသင်ခန်းအတွင်းနှင့် အပြင်ဘက် နှစ်မျိုးစလုံးတွင် ကျယ်ပြန့်စွာ ဖော်ထုတ်ပေးရန်နှင့် စိန်ခေါ်မှုအသစ်များကို ရင်ဆိုင်နိုင်စေရန် ရည်ရွယ်၍ ရေးဆွဲထားပါသည်။
Year 4 မှစတင်၍ ကျောင်းသားများသည် ဘာသာရပ်အလိုက် အထူးပြုဆရာ၊ ဆရာမများနှင့် ပိုမိုသင်ယူခွင့်ရရှိမည်ဖြစ်ပြီး၊ ထိုမှတစ်ဆင့် ပိုမိုနက်ရှိုင်းသော သင်ယူမှုအတွေ့အကြုံများ ရရှိကာ စိတ်ဝင်စားရာနယ်ပယ်များကိုလည်း ပိုမိုကျယ်ပြန့်စွာ စူးစမ်းလေ့လာနိုင်မည်ဖြစ်ပါသည်။
သင်ကြားမှုသည် အင်္ဂလန်နိုင်ငံ၏ အမျိုးသားသင်ရိုးညွှန်းတမ်း (English National Curriculum) ကို အခြေခံထားပြီး နိုင်ငံတကာပညာရေးပတ်ဝန်းကျင်နှင့် ကိုက်ညီစေရန် ပြင်ဆင်အသုံးပြုထားပါသည်။ ထိုမှတစ်ဆင့် ကျောင်းသားများအား မိမိကိုယ်ကို ယုံကြည်မှုရှိပြီး စူးစမ်းလိုစိတ်ပြင်းပြကာ ကိုယ်တိုင်တက်ကြွစွာ သင်ယူနိုင်သည့် တစ်သက်တာသင်ယူသူများအဖြစ် ဖွံ့ဖြိုးတိုးတက်စေရန် ပံ့ပိုးပေးပါသည်။
Year 7 မှစတင်၍ ကျောင်းသားများသည် IGCSE သင်ယူမှုအတွက် ပြင်ဆင်နိုင်ရန် ပိုမိုစိန်ခေါ်မှုရှိသော ပညာရေးသင်ရိုးများကို သင်ယူကြပါသည်။
Year 10 နှင့် Year 11 တွင် ကျောင်းသားများသည် အောက်ပါ အဓိကဘာသာရပ်များကို အလေးထားသင်ယူကြပါသည်။
- အင်္ဂလိပ်ဘာသာစကား (English Language)
- အင်္ဂလိပ်စာပေ (English Literature)
- သင်္ချာ (Mathematics)
- ရူပဗေဒ (Physics)
- ဓာတုဗေဒ (Chemistry)
- ဇီဝဗေဒ (Biology)
ထို့အပြင် ကျောင်းသားများသည် မိမိတို့၏ စိတ်ဝင်စားမှု၊ အားသာချက်များနှင့် အနာဂတ်ပညာရေးနှင့် အသက်မွေးဝမ်းကျောင်းဆိုင်ရာ ရည်မှန်းချက်များအပေါ် အခြေခံ၍ နောက်ထပ် IGCSE ဘာသာရပ် ၄ ခုကို ရွေးချယ်သင်ယူကြပါသည်။
Sixth Form ကျောင်းသားများသည် နိုင်ငံတကာအသိအမှတ်ပြု A Level သင်ရိုးကို သင်ယူကြပါသည်။ ဤသင်ရိုးသည် နက်ရှိုင်းသော ပညာရပ်ဆိုင်ရာ သင်ယူမှုနှင့် ကျယ်ပြန့်သော ဘာသာရပ်ရွေးချယ်ခွင့်များကြောင့် ကမ္ဘာတစ်ဝန်း အသိအမှတ်ပြုခံထားရပါသည်။
ကျောင်းသားများသည် ဦးစွာ ခိုင်မာသော ပညာရေးအခြေခံကို တည်ဆောက်ပြီးနောက် မိမိတို့၏ စိတ်ဝင်စားမှု၊ အားသာချက်များနှင့် တက္ကသိုလ်တက်ရောက်ရေး ရည်မှန်းချက်များအပေါ် အခြေခံ၍ မိမိတို့နှင့် သင့်လျော်သော ပညာရပ်ဆိုင်ရာ လမ်းကြောင်းကို ရွေးချယ်ကြပါသည်။
A Level သင်ရိုးသည် ကျောင်းသားများအား ကမ္ဘာ့ထိပ်တန်းတက္ကသိုလ်များသို့ ဝင်ရောက်နိုင်ရန် ပြင်ဆင်ပေးရုံသာမက အနာဂတ်အတွက် လိုအပ်သော ကိုယ်တိုင်လွတ်လပ်စွာ သင်ယူနိုင်စွမ်းနှင့် ဝေဖန်ပိုင်းခြားစဉ်းစားနိုင်စွမ်းတို့ကိုလည်း ဖွံ့ဖြိုးတိုးတက်စေပါသည်။
ဤဝက်ဘ်ဆိုက်မှတစ်ဆင့် Brighton College Bangkok Vibhavadi အကြောင်း လိုအပ်သော အချက်အလက်များကို ပြည့်စုံစွာ ရရှိနိုင်မည်ဟု မျှော်လင့်ပါသည်။
ကျောင်းအကြောင်း ပိုမိုသိရှိလိုပါက သို့မဟုတ် သီးသန့်ကျောင်းဝင်းလေ့လာရေးခရီးစဉ်ကို ကြိုတင်စီစဉ်လိုပါက ကျွန်ုပ်တို့၏ ကျောင်းဝင်ခွင့်အဖွဲ့ (Admissions Team) ကို ဆက်သွယ်နိုင်ပါသည်။
သင်နှင့် သင့်မိသားစုအား Brighton College အသိုင်းအဝိုင်း၏ အစိတ်အပိုင်းတစ်ခုအဖြစ် နွေးထွေးစွာ ကြိုဆိုရမည့်အချိန်ကို ကျွန်ုပ်တို့ မျှော်လင့်နေပါသည်။
Brighton College Bangkok Vibhavadi တွင် သင့်ကလေး၏ အရည်အချင်းနှင့် အလားအလာများ မည်သို့ ဖွံ့ဖြိုးတိုးတက်လာနိုင်သည်ကို ကိုယ်တိုင် လာရောက်လေ့လာကြည့်ရှုပါ။ ဤနေရာတွင် သင်ယူမှုနှင့် ကြီးပြင်းဖွံ့ဖြိုးမှုမှတစ်ဆင့် စူးစမ်းလိုစိတ်၊ မိမိကိုယ်ကို ယုံကြည်မှုနှင့် ကြင်နာတတ်သော စိတ်ထားတို့ကို သဘာဝကျကျ ပျိုးထောင်ပေးပါသည်။
ကျွန်ုပ်တို့၏ Open House သို့ သင်နှင့် သင့်မိသားစုအား နွေးထွေးစွာ ဖိတ်ခေါ်အပ်ပါသည်။ ကျောင်းဝင်းသို့ ကိုယ်တိုင်လာရောက်၍ ဘန်ကောက်မြို့၏ အချက်အချာတွင် ပေးအပ်နေသော ကမ္ဘာ့အဆင့်မီ ဗြိတိသျှပညာရေးကို လာရောက်တွေ့ကြုံလေ့လာပါ။
